خورماتو...بڕێكی زۆر مادەی هۆشبەر و بەسەرچو دەستی بەسەرداگیرا

 – كامەران نەجار – كەركوك

سەرچاوەیەكی ئەمنی لە قەزای خورماتو رایگەیاند، بڕێكی زۆر مادەی هۆشبەر و دەرمانی ماوە بەسەرچو لە گەڕەكێكی قەزاكەدا دەستی بەسەرداگیراوە.
سەرچاوەكە بە رادیۆی نەوای وت "پاش گەیشتنی زانیاری هەواڵگریی بە بونی مادەی هۆشبەر لە گەڕەكی كۆماری لە خۆرهەڵاتی قەزای خورماتو، مەفرەزەیەك لە هێزەكانی پۆلیسی قەزاكە و بەرپەرچدانەوەی خێرا و فەوجی حەوتی پۆلیسی ئامادە، گەیشتنە شوێنی مەبەست و پاش پشكنینی یەكێك لە باڵەخانە بازرگانییەكان، دەركەوت كەلوپەلی كارەبایی لە نهۆمی یەكەم دانراوە، پاشان لە ژێرزەمینی باڵەخانەكە كەلوپەلی یاری منداڵانی تێدابوە بۆ شاردنەوەی ئەو مادانەی تر كە پێكهاتبون لە 40 گوێنی پڕ لە تۆز، كە گومانی لێدەكرێت مادەی هۆشبەر بێت، سەرەڕای سێ كارتۆن كە 30 هەزار حەبی تراماڵی هۆشبەر و 150 كارتۆن حەبی ئەسپرینی ماوە بەسەرچو و 50 كارتۆن دەرزی ماوە بەسەرچویان تێدا بوە.
سەرچاوەكە تەئكیدیكردەوە، دۆسێ بۆ كەلوپەلی ناو باڵەخانەكە كراوەتەوە و خاوەن باڵەخانەكەش دەستگیركراوە، بەڵام هیچ زانیارییەكی دیكەی لەبارەی خاوەندارێتی مادەكانەوە نەدركاند.





Share :

بابەتی زیاتر

ڕاپۆرت

  

  

  

  

  

ئەلبوم

سەرپێچی هاتوچۆ

لەگەڵمان بە لە facebook

کەش و هەوا

Website Design by Kurdsoft