ئامێرێكی پێشكەوتوی پزیشكی دەهێنرێتە سلێمانی

سلێمانی-پێشكەوت عەبدوڵڵا

 نەخۆشخانەی بوژاندنەوەی دڵ لەشاری سلێمانی بۆ یەكەم جار لەسەر ئاستی هەرێم وعێراق ئامێرێكی پزیشكی پێشكەوتوو دەخاتە بواری كركردن، بەرپرسانی ئەو نەخۆشخانەیەش ئەماژە بەوە دەكەن، ئەو نەخۆشانەی پێشتر بە هۆی تەسكبوونەوەی دەمارەكانیانەوە نەدەتوانرا شەبەكەیان بۆ دابنرێت لە ئێستا بەدواوە بەهۆی ئەو ئامێرەوە دەكرێت لە كوردستان ئەو نەشتەرگەریەیان بۆ ئەنجام بدرێت .
ئارام جەمال، پسپۆڕی نەخۆشیەكانی دڵ لەنەخۆشخانەی پسپۆڕیەكانی دڵ، لەلێدوانێكدا بۆ میدیاكان رایگەیاند: بەمەبەستی كەمكردنەوەی فشار لەسەر ئەو هاوڵاتیانەی كە بەهۆی كەمی ئامێر و كەم دەرامەتی ناتوانن نەشتەرگەریەكانی دڵ ئەنجام بدەن یاخوود روو دەكەنە دەرەوەی وڵات، نەخۆشخانەی بوژانەوەی دڵ بەردەوام  هەوڵی داوە ئامێرە پێشكەوتووكان لەبواری تەندروستی دەستەبەر بكات.
وتیشی: ئەمرۆ توانیمان بۆیەكەمجار لە هەرێم ئامێری رۆتابلەیتەر بەسەركەوتوویی بۆ نەخۆش بەكاربهێنین، پێشتر هەر نەخۆشێك پێویستی بەم ئامێرە هەبووەیە ناچار دەبوو روبكاتە دەروەی هەرێم كە تێچوویەكی زۆر لەسەر دەكەوت.
وتیشی: تێچوی ئامێرەكە لەسەر ئەركی وەزارەتی تەندروستی و بەرێوەبەرایەتی تەندروستی سلێمانییە و تێچوەكەی نزیكەی ١٠٠ ملیۆن دینارە و هیچ تێچویەك لەسەر نەخۆش ناكەوێت تەنها ئەو بڕە پارەیە نەبێت كە پێشتر بۆ شەبەكە و باڵۆن دیاریكراوەو لەئێستاشدا ١٣٠ نەخۆشمان هەیە پێویستی بەئامێرەكەیە.
ئاشكراشیكرد، لەساڵی ٢٠١٧ نزیكەی ١١ هەزار نەخۆش سەردانی نەخۆشخانەیانیكردووەو ٣١٠ نەشتەرگەری گەورە كراوەو دوو هەزارو ٥١٨ قەستەرەو سێ هەزارو ٥٣٠ شەبەكەو باڵۆن بۆ نەخۆش ئەنجامدراوە.

Share :

بابەتی زیاتر

ڕاپۆرت

  

  

  

  

  

ئەلبوم

سەرپێچی هاتوچۆ

لەگەڵمان بە لە facebook

کەش و هەوا

Website Design by Kurdsoft