گرانبوونا بهایێ‌ ئەمپێرێن كارەبا مولیدەی وەڵاتیێن دهۆكێ‌ نیگەران بووینە

– لوتفی دۆسكی – دهۆك

وەڵاتیێن دهوكێ‌ نیگەرانن ژبلندبوونا بهایێ‌ ئێك ئەمپێرێ‌ كارەبا موەلیدێن كەرتێ‌ تایبەت بۆ 13 هزار دیناران و ددەنە خۆیاكرن كو زێدەباری قەیرانێن دژوارێن هەڤبەری وان بووین ، گرانبوونا بهایێ‌ ئێك ئەمپێرێ‌ بۆ 13 هزار دیناران بوویە بارگرانیەكا دن ل سەر ملێن وان ، ژلایێ‌ خۆ ڤە ئێك ژ خودانێن مولیدان ئاشكەرا دكەت كو ژ ساڵا 2014ێ‌ وەرە حكومەتێ‌ سۆتەمەنی ژ وان بڕیە و نە باشی یا كارەبا گشتی سەدەمێن گرانبوونا بهایێ‌ ئەمپێرێن كارەبا موەلیدەینە.
وەڵاتی ب ڕێیا ڕادیۆیا نەوا گازندێن خۆ دگەهیننە ئالیێن پەیوەندی دار و داخوازا چارەسەریێ‌ دكەن.
دڤی كەڤانی دا وەڵاتیەك خۆیا دكەت كو ل گەل تێكچونا بارێ‌ كارەبا گشتی و نەبوونا مووچەی قەیرانا بلندبوونا بهایێ‌ ئەمپێرێن كارەبا مولیدەی ژی هاتە سەر قەیرانێن دن و زێدەتر ڕەوشا ژیارا وەڵاتیان تێك دچیت.
ئەحمەد محەمەد خودانێ‌ مولیدێ‌ تاخێ‌ سەرهلدان ل پارێزگەها دهۆكێ‌ د دەتە زانین ، كو كێبموونا دەمژمێرێن كارەبا گشتی بارگرانی دكەڤیتە سەر مولیدان ، و ئەڤە 4 ساڵە سۆتەمەنی ژ لایێ‌ حكومەتێ‌ ڤە بۆ نا هێتە دابین كرن. زێدەباری هندێ‌ كو دان پێدانێ‌ دكەت كو بها یێ‌ گرانە وان ژی پێنەخۆشە
ل دور دیڤچوونا (نەوا) بۆ ڤێ‌ پرسێ‌ ،ئەندازیار بەشیر محەمەد عەلی بەرپرسێ‌ پشكا تەكنیكی ل لیژنا بلندا سەرپەرشتیا مولیدان ل پارێزگەها دهۆكێ‌ ئاشكەرا كر ، كو بهایێ‌ ئەمپێری ل گور دەمژمێرێن كاركرنا موەلیدان و بهایێ‌ گازوایلێ‌ ل بازاڕی دهێتە دەست نیشان كرن كو ئەڤە چەند ساڵە حكومەتێ‌ ئەو هاریكاریا ب دابین كرنا گازوایلێ‌ ژ خودانێن موەلیدان قوت كریە .
سەبارەت چارەسەریا ڤێ‌ گرفتێ‌ ئەندازیار بەشیر دبێژیت ، باش بوونا ڕەوشا كارەبا گشتی و دابینكرنا گازاویلێ‌ ژ لایێ‌ حكومەتێ‌ ڤە وەكو جاران ب بهایەكێ‌ كێمتر ژ بهایێ‌ بازاڕی دێ‌ بهایێ‌ ئەمپێری ژی دێ‌ ئەرزان بیت.
لیژنا بلندا سەرپەرشتی كرنا موەلیدان ل پارێزگەها دهوكێ‌ پێك دهێت ژ نوێنەرێن (جڤاتا پارێزگەها دهوكێ‌ ، و قائیمقامیێن هەر 7 قەزایێن سەرب پارێزگەهێ‌ ڤە ، ڕیڤەبەریا سۆتەمەنیان و ڕێڤەبەریا كارەبا گشتی یا كارەبێ‌ ل پارێزگەها دهوكێ‌) كو هەیڤانە كۆم دبن ژبۆ دیاركرنا بهایێ‌ ئەمپێرێن كارەبا مولیدان ل دویڤ دەمژمێرێن كاركرنێ‌ و بهایێ‌ گازوایلێ‌ ل بازاڕی.

Share :

بابەتی زیاتر

ڕاپۆرت

  

  

  

  

  

ئەلبوم

سەرپێچی هاتوچۆ

لەگەڵمان بە لە facebook

کەش و هەوا

Website Design by Kurdsoft