رەفیق چالاك

هونەرمەند رەفیق چالاك لەبوارەكانی (مۆسیقا و گۆرانی و ئاوازدانان و نوسین و شانۆیی)دا رۆڵێكی بەرچاوی هەبوە ، ساڵی 1923 لە گەڕەكی پیرمەنسوری شاری سلێمانی لەدایك بووە ، قۆناغەكانی خوێندنی لە شاری سلێمانی تەواو كردووە پاشان چۆتە دارموعەلیمینی ریفی لە نزیك بەغدا.

رەفیق چالاك ساڵی 1935 بۆیەكەم جار لە شانۆییەكدا درۆڵی بینیوە ، ساڵی 1941 خوێندنی تەواو كردووە و پاش ساڵێك بووە بە مامۆستا و لە خوێندنگانی ( مەڵكەندی ، گۆیژە ، خالیدیە) وانەی وتۆتەوە.

لە كۆتایی ساڵی 1942 رەفیق چالاك لەگەڵا مامۆستا گۆران و چەند كەسێك ئەچن بۆ فەلەستین و لەوێ‌ لە ئیستگەی (یافا) بۆ ماوەی (3)ساڵا كار دەكەن و سوودێكی باش لەبوارەكانی هونەری (دەرهێنان و نواندن و دیكۆر) وەردەگرێت ، ساڵی 1945 ئەگەڕێتەوە شاری بەغدا و لە ئیستگەی كوردی بەغداد كاردەكات ولەسەر نوسینێكی شۆڕشگێڕانە دەردەكرێت و دەگەڕێتەوە شاری سلێمانی و ئەبێت بە مامۆستا لە ناوچەكانی سورداش و جافەران.

رەفیق چالاك ئاهەنگێكی مۆسیقا و شانۆی پێشكەش بە شاری سلێمانی هەولێر كردووە بۆ لێقەوماوانی بومەلەرزەكەی شاری پێنجوێن ، ساڵی 1950 دوبارە دەگەڕێتەوە ئیستگەی كوردی بەغدا و هەفتانە چیرۆكێك ئامادەدەكات.

مامۆستا رەفیق چلاك لەبواری نوسینی سیاسی و كۆمەڵایەتی دەستێكی باڵای هەبووە ، نوسینەكانی لە گۆڤار و رۆژنامەكانی ئەو سەردەمەدا بەناوی خۆی یان ناوێكی ترەوە بڵاوكردۆتەوە.

ساڵی 1972 بەسەرۆكی هونەر و وێژەی كوردی لقی بەغدا هەڵبژێراوە ، دوا شانۆگەری لە زانكۆی موستەنسەریەی بەغدا پێشكەش كردووە . 

مامۆستا رەفیق چلاك لە رۆژی 30 / 11 / 1973 كۆچی دوایی كردووە و لەسەر وەسیەتی خۆی لە گردی سەیوان بەخاك پسپێردراوە .

Share :

بابەتی زیاتر

ڕاپۆرت

  

  

  

  

  

ئەلبوم

سەرپێچی هاتوچۆ

لەگەڵمان بە لە facebook

کەش و هەوا

Website Design by Kurdsoft