حەمدی

حەمدی شاعیر، ناوی تەواوی ئەحمەد، كوڕی فەتاح بەگ، كوڕی حاجی ئیبراهیم بەگ، كوڕی مەحمود بەگی ساحێبقڕانە، ساڵی 1878 لەشاری سلێمانی لەدایك بووە.

حەمدی لەتەمەنی منداڵیەوە خراوەتە بەر خوێندن و، لای مەلا عەزیزی زەلزەلەیی دەستیكردووە بەخوێندن، پاشان چۆتە حوجرەی مەلا سەعیدی خواجە ئەفەندی، لەگەڵ ئەوەشدا سەردانی چەند مزگەوتێكی دیكەی كردووە، بەمەبەستی خوێندن و وەرگرتنی زانیاری زیاتر، لەوانە: خانەقای مەحوی، یەكێك لە هاوڕێكانی حوجرەی، ئەمین زەكی بەگی مێژوونوسی ناوداری كورد بووە.

حەمدی بۆ درێژەدان بەخوێندن، چۆتە قوتابخانەی ڕوشدیەی عوسمانی، بەڵام تەواوی نەكردووە و، دووبارەش نەگەڕاوەتەوە بۆ تەواوكردنی حوجرە، دەستی لە خوێندن هەڵگرتووە، بەڵام لە خۆفێركردن نەپچڕاوە و ئاستی خوێندەواری گەیشتۆتە پلەیەك، كەبۆتە كەسێكی ڕۆشنبیری بەدیمەن.

حەمدی لەتەمەنی لاوێتیەوە هەستی كوردایەتی و نیشتمانپەروەری تیا خوڵقاوە، بەدرێژایی ژیانی لەخەمی نەتەوەكەیدا بووە، هەربۆیە پەیوەندی بە شۆڕشەكەی شێخ مەحمودی نەمرەوە كردووە و، بەشداری تیا كردووە، لەدوای كپ كردنی شۆرشی بازیان لە ساڵی 1919 و، دەستگیركردنی شێخ مەحمود لەلایەن ئینگلیزەوە، كۆمەڵێك لە شۆڕشگێڕەكان دەستگیر كران، حەدیش یەكێك بوو لەوانە، لەپاش ماوەیەك هەوڵی خۆ ئازاد كردنیان دا و، لەترسی دووبارە دەستگیركردنەوە، هەڵهاتن بۆ ناوچە شاخاویەكان، حەمدی شاعیر ماوەی سێ ساڵ لەدەربەدەری و ئاوارەیی ژیانی بردۆتە سەر.

لەپاش گەڕانەوەی شێخ مەحمود و، دووبارە دروستكردنەوەی حكومەت و بوونی بە مەلیكی كوردستان لەساڵی 1922، حەمدی كراوە بەوەزیری گومرگ، لەپاش تێكچونی دام و دەزگاكانی حكومەتەكەی شێخی نەمر، سلێمانی كرا بە لیوایەك لەعێراق، بۆیە حەمدی خۆی خانەنشین كرد.

حەمدی شاعیر یەكێك بووە لە كەڵە شاعیرەكانی كورد، شیعرەكانی لەسەر شێوەی كلاسیكی داڕشتووە، لەڕووی ڕوخسارەوەلە كێشدا لەسەر بەحرەكانی عەرووز ڕێكخراون، لە قافیەشدا بەیەكەمین شاعیری كورد دادەنرێت، لەشیعری یەكێتی قافیەدا، هەموو دەنگەكانی ئەلفوبێی كوردی و عەرەبی بەكارهێناوە، تەنها پیتی ( پ ) ی كوردی نەبێ، لەڕووی ناوەڕۆكیشەوە، شیعرەكانی بریتین لەقوتابخانەیەكی شیعری بەرز، شیعرەكانی بریتین لە شیعری دڵداری، ئایینی، نیشتمانپەروەری و كوردایەتی، وەسف و ستایش.

حەمدی لەپاش خانەنشین بوونی، تا دوا هەناسەی لەشاری سلێمانی مەڵبەندی لەدایك بوون و ژیانی نیشتەجێ بووە و، بەكاروباری تایبەتی خۆی و پێشوازیكردن لە میوان، ژیانی بردۆتە سەر.
حەمدی ڕۆژی 12ی تشرینی دووەمی ساڵی 1936 بەهۆی وەستانی دڵەوە كۆچی دوایی كردووە و، لەگردی سەیوان بەخاك سپێردراوە.
pillen propranolol partickcurlingclub.co.uk pillen propranolol
deltasone 20mg prednisolone 5mg kupovat online prednisolone
amoxicillin pill website-knowledge.com albuterol (salbutamol)

Share :

بابەتی زیاتر

ڕاپۆرت

  

  

  

  

  

ئەلبوم

سەرپێچی هاتوچۆ

لەگەڵمان بە لە facebook

کەش و هەوا

Website Design by Kurdsoft