ئەحمەد كایا

گۆرانیبێژ و ئاوازدانەری كورد ئەحمەد كایا، لە 28ی تشرینی یەكەمی ساڵی 1958 لە شاری مەلەدی باكوردی كوردستان لەدایك بووە، بنەماڵەكەی لەبەر سەختی ژیان و، بۆ بژَویەكی باشتر، ڕوویانكردۆتە شاری ئەستەنبوڵ.

ئەحمەد كایا بۆ دابینكردنی بژێوی ژیان لەشاری ئەستەنبوڵ، هێندەی پێكرابێت كاری كردووە، بەبێ گوێدانە قورسی و گرانی ئیشەكە، ماوەیەك بۆتە شۆفێری لۆری و، ماوەیەك كرێكار و، ماوەیەك فرۆشیاری گەڕۆك بووە، هەر لەوێ تێكەڵ بە سیاسیەت بووە و، لەگەڵ ئەوەشدا خۆی فێری هونەری مۆزیك كردووە و، شیعریشی نوسیوە.

ئەحمەد كایا لەساڵی 1985 بڕیاری تۆماركردن و بڵاوكردنەوەی یەكەمین ئەلبومی گۆرانیەكانی داوە، بەڵام لەبەرئەوەی شێوازی گۆرانیەكانی شێوازی نوێ بوون و، ناوەڕۆكی شیعرەكانیشی شۆڕشگێرانە بوون، هیچ دەزگایەكی هونەری ئامادەنەبوو هاوكاری بكات، بەڵام پشتی لە هونەرەكەی سارد نەبۆتەوە و، بەهاوكاری هاوڕێ و دۆستەكانی، یەكەمین ئەلبومی خۆی بەناوی ( مەگری بچكۆل ) بڵاوكردۆتەوە.

لەگەڵ بڵاوكردنەوەی یەكەمین بەرهەمی، ئەحمەد كایا توانیویەتی جێگەی خۆی لە دڵی گوێگران و هونەر دۆستاندا بكاتەوە، بەڵام حكومەت بڕیاری قەدەغەكردنی ئەلبومەكەی دەركردووە.

ئەحمەد كایا گۆرانیەكانی سیاسین و لایەنگریی كوردی توركیای كردووە، بۆیە ئەم شێوازە لە گۆرانی ووتن بۆتە كێشە بۆی و، لەلایەن دەزگا بەرپرسەكانەوە زیندانی كراوە و، گۆرانیەكانی قەدەغەكراوە و، ڕێگەی گۆرانی ووتنیشی لێگیراوە.
لەساڵی 1992 لەبەرنامەیەكی تەلەفزیۆنیدا، خەڵاتی باشترین گۆرانی ساڵی وەرگرتووە، هەرلەو بەرنامەیەدا ئەحمەد كایا ووتویەتی: من كوردم و گۆرانیەكی كوردیم لە نێو ئەلبومە تازەكەمدا تۆماركردووە و، زۆر لە كۆمپانیاكانی مۆزیك هیواخوازن ئەلبومەكەم بڵاوبكەنەوە، بەڵام توركیا كێشەیەكی گەورەی هەیە لەگەڵ كورد و ناوی كوردستان.

لەگەڵ تەواوبوونی قسەكانی، ئەحمەد كایا لەلایەن چەند هونەرمەندێكی توركەوە دەركراوە و، بە خائین تۆمەتباریان كردووە، بەڵام كایا سوورتر بووە لەسەر قسە و بۆچونەكانی.

دادگای نیشتمانی توركیا بەتۆمەتی خیانەتكردن، بانگی ئەحمەد كایای كردووە، بەمەبەستی دادگایی كردن، هەرچەندە لەیەكەمین دانیشتنی دادگاییەكەدا ئامادە بووە و، هەموو ئەو تۆمەتانەشی ڕەتكردۆتەوە كە درابوونە پاڵی، بەڵام لەو ماوەیەدا توانی بچێت بۆ ئەوروپا، دادگای نیشتمانی توركیاش، بەبێ ئامادەبوونی كایا، لەدوا دانیشتنیدا سزای 10 ساڵ زیندانی بەسەردا سەپاند.

گۆرانیبێژی كوردپەروەر ئەحمەد كایا، لە 16ی تشرینی دووەمی ساڵی 2000، لەكاتی خۆئامادەكردن بۆ كۆنسێرتێك لە پاریسی پایتەختی فەرەنسا، لەشوێنی حەوانەوەكەی كۆچی دوایی كردووە و، لەگۆڕستانی ناودارانی پاریس بەخاك سپێردراوە.
walgreen photo coupon codes open walgreen photo coupon code
pillen propranolol partickcurlingclub.co.uk pillen propranolol
pfizer viagra coupons mikemaloney.net free prescription discount cards

Share :

بابەتی زیاتر

ڕاپۆرت

  

  

  

  

  

ئەلبوم

سەرپێچی هاتوچۆ

لەگەڵمان بە لە facebook

کەش و هەوا

Website Design by Kurdsoft