هێرشەكە هەرچۆن بوبێت دەستی توركیای تێدایە

شەوی چوارشەممە كامپی پەنابەرانی مەخمور بووە ئامانجی هێرشێكی موشەكی و بە هۆیەوە 8 لە دانیشتوانی كامپەكە شەهید و برینداربوون و بەڕێوبەرانی كامپەكەش لە بارەی ئەو هێرشەوە داوای روونكردنەوە لە بەرپرسانی حكومەتی عێراق دەكەن.
كامپی شەهید رۆستەم جودی، كە ئەو هاوڵاتیانەی باكوری كوردستانی لە خۆگرتووە كە چەندین ساڵە بەهۆی شەڕی نێوان پەكەكە و سوپای توركیا بڵاوبوونەوە، كەوتوەتە نزیك شاری مەخمور.
دانیشتوانی كامپەكە لە ساڵی 1993 ەوە لە زێدی خۆیان ئاوارە بوون و دوای ئەوەی لە دەڤەری بادینان گیرسانەوە چەند جارێكی تر بە هۆی هێرشەكانی توركیاوە شوێنی نیشتەجێبوونیان گۆڕی و دواجار لە ساڵی 1998 لە نزیك مەخمور جێگیر كران.
بەپێی هەواڵی میدیاكانی نزیك لە پەكەكە لە هێرشەكەی شەوی چوارشەممەدا هێزی پاراستنی جەوهەری كامپەكە كراوەتە ئامانج و بەهۆیەوە پێنج ئەندامی هێزەكە شەهید بوون و سیانی تر برینداربوون، كە لە ئێستادا لە نەخۆشخانەی پاری هەولێر لە ژێر چاودێری پزیشكیدان.
بەدرێژایی ساڵانی رابردوو توركیا چەندین جار داوای داخستنی كامپی مەخموری كردووە و بەردەوامیش خوازیاری ئەوە بووە كە سەرجەم چالاكیەكانی پەكەكە لە عێراق قەدەغە بكرێن و ئەندامانیشی لەو وڵاتە دەربكرێن.
هێرشەكەی سەر كامپی پەنابەرانی مەخمور هاوكاتە لەگەڵ چڕبوونەوەی پێكدادانەكانی نێوان سوپای توركیا و گەریلاكانی پەكەكە، بەڵام تا ئێستا روون نەبوەتەوە چ لایەنێك لە پشت هێرشەكەی سەر كامپی مەخمورەوەیە.
لەئەلقەی ئەمرۆی بەرنامەی لەگەڵ روداوەكان لەگەڵ سەرحەرد ڤارتۆ بەرپرسی پەیوەتندیەكانی كەجەكە‌و رەشاد گەڵاڵی لێپرسراوی كۆمیتەی مەخموری یەكێتی گفتوگۆمان لەسەر ئەم پرسە كرد


بەرنامەکانی تر

ڕاپۆرت

  

  

  

  

  

ئەلبوم

سەرپێچی هاتوچۆ

لەگەڵمان بە لە facebook

کەش و هەوا

Website Design by Kurdsoft