هه‌تا حه‌شدا شه‌عبی ژ خورماتوو ده‌رنه‌كه‌ڤه‌ ته‌ناهى و ئارامى بو وى باژاڕی ناڤه‌گه‌ڕیت

كارتێكرنێن بویه‌رێن 16 ئۆكتۆبه‌رێ ل سه‌ر ده‌ڤه‌رێن جهی ناكوك به‌رده‌وامه‌ و ناڤێ خورماتو مینا باژاڕه‌ك كو زورترین كارتێكرن ل سه‌ر بویه‌,  بویه‌ ڕوژه‌ڤ ئیرو ژى په‌رله‌مانێ كوردستانێ  ته‌وه‌ره‌كا ڕوینشتنا خو بو پرسا وى باژاڕی و كه‌ركوكێ ته‌رخان كریه‌ .
ب سه‌ده‌ما بویه‌رێن 16 ئۆكتۆبه‌رێ  هژماره‌كا زورا ئاكنجیێن خورماتو ئاواره‌ بوینه‌ و ب گوتنا وان ئاوارا و نوێنه‌رێن كوردا ل په‌رله‌مانێ عێراقێ ب ده‌هان خانیێن هاوڵاتیێن كورد ل وى باژاڕی هاتینه‌ شه‌وتاندن و ته‌قاندن یان ژى ب تاڵان هاتینه‌ برن . 
محه‌مه‌د عوسمان  ئه‌ندامێ په‌رله‌مانێ عێراقێ د چارچۆڤێ پشكداریكرنا به‌رنامێ (له‌گه‌ڵ ڕووداوه‌كانى ) ڕادیوا نه‌وا به‌حسی وێ چه‌ندێ كر كو ئه‌وى ل دوزخورماتوو و داقوق ڕویدایه‌ جینوسایده‌ و به‌لگێن پێدڤی ژی ل به‌رده‌ستى وان دایه‌  و دێ ڕاده‌ستێ حكومه‌تا عێراقێ كه‌ن و ئه‌گه‌ر پینگاڤێن جدى ژ بو ئاسایی كرنا ڕه‌وشا وى باژاڕێ نه‌هێنه‌ ئاڤێتن  و داوى ب وان بنپێكاریا  نه‌هێت و قه‌ره‌بویا زیان ڤێ كه‌فتیا نه‌هێته‌ كرن ڕێكا دادگه‌ها نێڤده‌وله‌تى ل لاهاى و نه‌ته‌وه‌یێن ئێكگرتى دگرنه‌ به‌ر .
ئیرو چار شه‌مبیێ بڕیاره‌ په‌رله‌مانێ  كوردستانێ ڕه‌وشا خورماتوو و كه‌ركوكێ گه‌نگه‌شه‌ بكه‌ت و هه‌ر ئیرو ژى نوێنه‌رێن حزبین كوردستانى یێن خورماتوو ل گه‌ل جڤاتا سیاسی یا كومه‌لا ئیسلامى كومبوون و پشتى كومبونێ ژى د كونگره‌كا ڕوژنامه‌ڤانیێ دا داخاز هاته‌ كرن كو هێزه‌كا بێ لایه‌ن بچه‌ قه‌زا وان داكو هاوڵاتییان بپاریزیت و هاریكار ژى بیت ژبو ڤه‌گه‌ڕاندنا ئاوارا بو سه‌ر مال و حالێن خو .
ل گور وێ چه‌ندێ خورماتوو سه‌ر ب حكومه‌تا فیدڕاڵی یه‌ ,  دهیته‌ گوتن هه‌نده‌ك هاوڵاتیێن وى باژاڕی ب سه‌ده‌مار كریارێن هێزێن سه‌ر ب به‌غدا ڤه‌ باژاری خو چوڵكرینه‌ , ئایا په‌رله‌مان و حكومه‌تا هه‌رێمێ دكارن چ پێنگاڤا باڤێژن یان چ دكه‌ڤیته‌ سه‌ر ملی وان كو پێدڤییه‌ بكه‌ن ؟
مینا كه‌یسه‌كا مروڤى هه‌تا چه‌ند ڕێكخراوێن نێڤده‌وله‌تى لسه‌ر ڕه‌وشا خورماتوو هاتینه‌ ده‌نگ ؟ ئه‌ركى لایه‌نێن كوردستانى بو ئینانا سه‌ر خه‌تا وان چییه‌ ؟
ئاسایی كرنا ڕه‌وشا خورماتوو , ڤه‌گه‌ڕیانا ئاوارا و قه‌ره‌بووكرنا زیان ڤێكه‌تییا و گه‌ره‌نتى یا پێكڤه‌ ژیانێ ل خورماتوو و ده‌ڤه‌رێن دن ب چ ڕێكه‌ك دبه‌ ؟
میهڤانا به‌رنامێ (( زوزان صادق) ئه‌نداما په‌رله‌مانێ كوردستانێ   




بەرنامەکانی تر

ڕاپۆرت

  

  

  

  

  

ئەلبوم

سەرپێچی هاتوچۆ

لەگەڵمان بە لە facebook

کەش و هەوا

Website Design by Kurdsoft